Site Name

subglobal1 link | subglobal1 link | subglobal1 link | subglobal1 link | subglobal1 link | subglobal1 link | subglobal1 link
subglobal2 link | subglobal2 link | subglobal2 link | subglobal2 link | subglobal2 link | subglobal2 link | subglobal2 link
subglobal3 link | subglobal3 link | subglobal3 link | subglobal3 link | subglobal3 link | subglobal3 link | subglobal3 link
subglobal4 link | subglobal4 link | subglobal4 link | subglobal4 link | subglobal4 link | subglobal4 link | subglobal4 link
subglobal5 link | subglobal5 link | subglobal5 link | subglobal5 link | subglobal5 link | subglobal5 link | subglobal5 link
subglobal6 link | subglobal6 link | subglobal6 link | subglobal6 link | subglobal6 link | subglobal6 link | subglobal6 link
subglobal7 link | subglobal7 link | subglobal7 link | subglobal7 link | subglobal7 link | subglobal7 link | subglobal7 link
subglobal8 link | subglobal8 link | subglobal8 link | subglobal8 link | subglobal8 link | subglobal8 link | subglobal8 link

small logo
Oduu

Yaadannoo Guyyaa Gootota Oromoo , Ebla 10, 2009 Magalaa Toronto

Yaadannoo Goototaa Ebla 10, 2009
Guyyaan yaadannoo goototaa guyyuma Jimaataa galgala ture. Galma qabamee keessa Alabaan mallattoo Oromummaa fi faajjin farra gabrummaa gidaaraa fi bakka teessumaa naanna'ee jira, Shamarranii fi hawwan hedduminaan argamuu irratti dabalee uccuu aadaa mallattoo alabaa ABO keenyaan mimmidhageera. Fuulli Oromootaa gaddaa fi gammachuun wal makaa waan turee fi gadda moo gammachuutu irra madaalaa adda baafachuun nama dhiba. Akka hubannaa kootti Oromoon kabajaa fi jaalala gootota isaaf qabu walitti qabamee gootota isaa yaadachuuf  qophii tahuun kan nama gammachiisu yommu tahu, Gootni sun hara'a sadarkaan qabsoo isaa asi irra geesse Oromoon akka sabaatti wal beekee wal mararfatee waliiti qabmuu ija isaaniin arguu dhabuun ammoo gaddaa fi xiiqiin waan namoota guute fakkaata. Gama kaaniin kaayyoo gootota isaa bakkaan gahuuf maaltu nu hanqate laata gaaffii jedhu namuu akka of gaafatu fuula irra dubbisuun salphaa ture.
Goota kaayyoof of dabarsee xurree fi daandii kana irra nu buuse yaadachuun abbaa ubateef kabjaa fi ulfina guddaa dha. Warreen kaayyoo kanatti qoosanii qabsicha takaalan of ha gafatan, ittis ha gaafatman kan jedhu hin dhabamu

Eenyuummaa ofii beekanii saba ofii keessa dhokatanii  keesatti of ilaaluun attam nama gammachiisaa? Warreen bullukkoo Oromummaa kana of irraa baasanii qullaa achi fagaatanii of dhaaban attam ha gaddan maaloo?  Micciirama nama ha oolchu
 
Daa'imman Oromoo uffataa fi callee aadaa akka gonfoo warra mootiitti kaawwatan fuula mimmidhagaa fi simboo Oromummaan manicha caalaatti barreechaniiru. Akka kootti ifni fuula daa'immaan irraa ifu qofti manicha ibsuuf gahaa waan taheef ifa biraa hin barbachisu ture, hawwan ilmaan isaanii jala bu'anii breedina Oromumama fi uccuu adaa irratti tiksan WBO bosona keessa taa'ee Oromiyaa tiksuun wal fakkaata. Ilmaan Oromoo bakka bakka ta'anittis nannoo galmaa ala dhabbatanii ija keessa gad fageessanii wal ilaaluun waliin haasa'au. Nam hubatee ilaaleef akkaataan wal mararfannoo fi waltti dhiheenyi isaanii waan ija walii keessaan dabarsanii hundee Oromuumma wal keessatti argan mirkaneessa, aadaan kun akkasin itti fufnaan fuulduratti Oromummaa himachuuf "Waraaqaa eenyummaa" waan hin barbachifne fakkaata. Namoo fuula fi ija keessa wali ilaalee wal beeka wal hubata, hubaa fi midhaani, habaqii fi callaa gargar baasa, ogummaa jabanaa........

Faaruun alabaa imimmaaniin utubamee of eggannoo fi kabajaan faarfame, Alaabaa Oomoo Ibsituu Dukkanaa, ........ibsituu dukkanaa........ faaruun gootataa Maal dhaamniis namoota boo'icha irra of qabuu danda;aniin faarfameera. baayyee garaa nam nyaata, bahaa fi ergaa guddaa qaba. Lafeen bilisummaaf caccabee dhiigni dhanagala'e gurra Oromoo hunda keessa "Gumaa koo baasaa" jedhee iyyataa jira. Iyyanaan kanatti naaf dirmadhaa jedhee nu raasaa jira, lubbuun koo isheen badde jireenya ilmaan Orooo fooyyessuuf malee anis akkuma keen jiraadhee darbuu barbadan ture naan jedha. Fakkii gaarii tahe si hawaachhufan du'ee atis fakkii gaarii tahii jedha, Du'a si hin oolleef gabrummaa baattee dhala keetti hin dabrsin jedhaa jira. eeyyee ergaa baayyee....dhaamsa baayyee, guyyaa goototaa, faaruu alabaa faaruu goototaa.....

Da'immanii fi kaa'imman uccuu adaa Oromoo calaqisu offachuun watajjiitti miidhagina addaa kekkaniiru, hawwan shummoo fi marqaa fakkeenya nyaata WBO qopheessanii nama hundaafuu hiru, namni hundu nayyata kan akka dhannamee arguuf raabsu, kan barbaachise nyaaticha utuu hin tahin ergaa nyaaticha akeessa jiru. Namuu shummoo afaanitti naqatu fi marqaa liqimsu keessaan haddhaa jireenya WBO dhannama, hadhaa sana ddubaan garuu urgaa billisummaa urgeeffata. Walaoon dubbifamu, dhaamsi bakka buututa qaama hundaa irra darbu, faaruun faarfamu, uccuun uffatmau ragadni ragdamu, sirbi dhiichifamu hunduu Goota faarsa..... eeyyee Goota dhugaaf wareegame faarsa.......

Safuu fi safeeffiin Oromoota Torontoo biratti fayyaalessa (Original)  isaatu jiru, nan beela'e jettee naayata hin dhabdu, nan dheebodhes jettee dhugaatii hin dabdu, yoo natti qabbanaa'e jette inni dhiiraa jaakkeeta, inni dhalaa ammoo diriyaa of irraa fuudhee sitti uffisa, bakka akkasiin deema jedhanii nama konkolaataan nama oofu dhabuun hin jiru, namuu anatu si keessumssisaa irratti wal lola, Keessattuu hawwan fuula isaanii akka aduu ifu bakka sana guutanii aarsaa barbaachisu kafaluuf yoomuu caalaa hiriiranii na booda hiriiraa jedhu. Egaa utuu hiriirri sun dheeratee bakka hin dhabin hiriiruun gamnummaa dha.

Kaayyoon Gootota Oromoo Bakka gaha!

Injifatnoo Ummata Oromoof!

Gadaan Gadaa Bilisummaa ti.


Opinions published on News and Views section of this site are those of the authors and not necessarily that of OLF.

Copyright ©2005 ABO/OLF All Rights Reserved | Email Webmaster olfinfodesk@earthlink.net