Qabsaawaan ni kufaa!
Qabsoon itti fuffaa!
Hin'duunee ni jirta goota Oromootaa!
Xurii takka hin'qabduu seenaan si yaadataa!
Kaayoo tee hin'gannee!
Irbuu tee hin'diynee!
Beelaa dheebuu jattee diinaaf hin'bitamnee!
Saba kee gurgurtee qarshii gula hin'demnee!
Habashaa sodattee takkaa gad hin'jannee!
Jaala koo ni jirta bar ati hin'duunee!
Guyyaa Aduun baate deebitee ol kaataa!
Sabni kee ililchee si galcha galataa!
Siidaa kee ol dhaabee booyee si farfataa!
Nagayaan nu ciisi jazaan kee jannataa!
Dhiiga kee baasuudhaaf gootni ni kakataa!
Kaayoo ati kufteef kallacha tolfatee!
Finfinnetti gala dhihottuu falmatee!
Firaa fi firiin isaa sabrii nuu qabaadhaa!
Laggee waliin dhabnee Waaqayyo kadhadhaa!
Gooticha jannataa Rabbiin isaa godhaa!
Nu sabni Oromoo obbolaa keessanii!
ABO fi WBOn isin ulfeessanii!
Isin bira jirraa isin jabeessinaa!
Rakkoo fi balloo walumaan simannaa!
Dhihotti bilisomnee gadda firraa ofnaa!
Shaggaritti ol baanee siidaa jaala keenyaa dhabnaa!
Dhiiga keenya bafnaa nu kaassaa daddafaa!
Gooti Oromtichaa hin'dunee ni jirraa!
Guyyaa Aduun baate Finfinne wal garraa!
Mara onnachissee dubraa fi dardaraa!
Gooticha Oromoo Laggee tahuu baraa!
Gumaa isaa baafnaa wal faana hiriirraa!
Alaa mana isaa nu je'ee gad gatee!
Maatii isaa facaassee garaa isaa muratee!
Rorroo alagaa dhugumaan lagatee!
Ka'ee raassaa gale J/ Laggee Waagii!
Yaa saba Oromoo wal waamii, wal argii!
Gurgurattuu sabaa of keessaa duguugii!
Kaayoon J/ Laggee dhugaan kaayoo teenyaa!
Dandiin dhugaa sunii irratti wal geenyaa!
Dhamsa isaa fuunee galma keenyaan geenyaa!
WBO jajabeessaa isaa abdiin keenyaa!
Osoo gumaa hin'bafne akkamiin gad teenya?
Nyaannee, dhuynee, rafnee, obsinee dandeenyaa?
Ofirraa haa eegalluu gurgurataan keenyaa!
kan nu balleessee, nu galche hammeenyaa!
Kijibduu afuuftuu olii gadii yaatu!
Jijjiirama jattee Oromoo gurgurtu!
Gabrummaa nu feetee diinaaf nu falfaltu!
Bilisummaa teenyaaf takka naasuu hin'qabduu!
Cubbamaa malee kan dhugaa hin'barbaadduu!
Ofirraa eegadhaa Arrabni isii haaduu!
Gadaa gadaa bilisummaa tii!!!
Harka wal qabadhaa ka'aa qabsoodhattii!
Dukkanti dhabamtee Aduun bahu jirtii!
Galmeen seenaa buru dhihottuu ol baatii!
Oltanii hin'bulinaa ka'aa qabsoodhattii!
***<:>***
WBO malee hin'jiru falmataan sabaa tii!
Injifannoo ummataa Oromoo f!!!
J/ O. O.
