Gootichi WBO Godina Dhihaa haleellaa waraana wayyaanee irratti fudhatu itti fufuun loltoota diinaa 31 hojiin ala godhe.
(Madda Oduu ABO/MOA/ Adoolessa 28,2008)Akeeka bobbaa diinaa dura dhaabbatee fashalsaa kan jiru gootichi WBO Godina Dhihaa Lixa Wallaggaa Ona Anfilloo keessatti haleellaa Wayyaanee irratti fudhateen 31 ol hojiin ala godhee meeshaalee gara garaa boojiʼuu gaafatamaan bobbaa fi quunnamtii WBO Godina Dhihaa J/Biraanuu Geetaachoo beeksisan.
WBOn Godina Dhihaa Adoolessa 20,2008 Ona Anfilloo magaalaa Garjeedaa ganda Gaʼii gabaa Arbii bakka jedhamutti loltoota wayyaanee haleeluun 7 irraa ajjeesee 5 ol madeessee jira.
WBOn tarkaanfii isaa itti fufuun Adoolessa 22,2008 Onuma Anfilloo keessatti diina isa hordofuuf bobbaʼe bakka laga Kojjii jedhamutti haxxee hidhee haleeluun diina irraa 11 ol yeroo ajjeesu 8 ol madeessee meeshaalee adda addaa boojiʼuu gaafatamaan bobbaa fi quunnamtii WBO Godina dhihaa J/Biraanuu Geetaachoo hubachiisan.
Waraanni Wayyaanee haleellaa WBOtti rifate, aarii qabu ummata nagaatti baʼuun naannoo Garjeedaa fi D.Doolloo keessaa ummata nagaa 60 ol taʼu qabee hidhaatti naquun itti roorrisaa akka jirus gabaafameera.
Gadaan Gadaa Bilisummaati!!
Injifatnoon Ummata Oromoof!!
