Hagayya 18, 2006 (Oromiyaa) - Wal Dhibee Loltoota Wayyaanee Gidduu Ture. Waldhabins loltoota wayyaanee giduu jiru jabaatee itti fufee jira. Akka kanaatti gaafa guyaa 15/2006 [qibtata] halkan keessaa Sa’aa 3:00 booda dhukaasi guddaan Aanaa Calliyaa magaa geedoo keessatti sa’aa eeraaf loltoota Federaalaa fi human darbatamaa gidduutti gaageefamee jira.
Kana keessatti yerooma sana loltoota federaalaa keesaa namoon lama yoo du’an heedduun immoo maddaa’ani jiru. Kan madaa’an hedduunis akka du’uu hin ollee nidubatama. Yeroo amma kana magaal Geedoo loltuu Fedraalaan jeeqamaa akka jirtu beekameera.
*********
Waraanni Wayyaanee Duula Somaalii Akka Deemuuf Dide Dhagahame.
Saboonni Cunqurfamoo waraan wayyaanee keessa jira Gara Sumalee deemuu mormaa akka jiran keessa beektonni dubbataan. Keessa beektonni kun akka dubbatanitti, kanaan dura yamuu waraanni gara Biyya Laayibeeriyaatti ergamu, Qarshii guddaa waan argamsiisuf Warra waggaa dheeraa warana keessatti tajaajilan jedhanii Lammii Tigree qofa kan ergan yoo ta`u, Amma gara Sumaaletti kan ergaa jiran Harkki caalu Saboota Cunqurfamoo dha. Kun maaliif ta´a? Yeroo dantaa fi fayidaan argamu ilmaan Tigree ergamu? Yeroo du´a ta´u ammoo ilmaan cunqurfamootu itti oofama? Jechuun diddaan guddaa muldhataa jira.
Waan qarshii hin argamsiifnefi jedhanii mootummaan kun ilaachaa gaarii nuuf hin qabu jechuun hojii kan gadi dhiisani kan badaa jiran heddudha jechuun keessa beektonni kun dubbatanii jiru.
Keessa beektonni kun itti dabaluun Edda J/Kamaal Galchuu waraana fudhatee socho´ee, Wayyaanonni Waraana irratti amantaa kan dhanaban yoo ta`u, Mobaailii keessan cufaa jechuun akka halkkan halkan walga`ii teessisaa jirtu dubbatan.
*********
Wayyaaneen Waraana Kaadhimuuf Beeksisa Baaste
Wayyaaneen waraana filuu jalqabdeetti jedhama. Akkuma amala ishee dargaggoota Oromoo fi ilmaan cunqurfamoo waraana sanyii duguuggaa gageessuuf ´´nama tokkoon qarshii 700 mindaa isinii kaffala´´ jechuun beeskisa baaftee jirtu maddeen muldhisiu. Dhimma kana irratti akka ilmaan Oromoo fi saboonni cunqurfmaoo marti waraana dabre irraa baratuun ilmaan isaanii ibiddatti hin ergine sabboontonni Oromoo dhaamu.
Waraanni isheen somaali irratti gageessuuf wixxifataa jirtu, warra dhiyaa gammachiisuun gargaarsa ittiin meeshaa bitattee ummata ittiin cunqursituu fi hacuuccuf akka ta´e hubatamuu qaba. Akeekanii yeroo ammaa wayyaaneen Somalii irratti karoorfatte fashallaan yeroon dhuma isheetii akka fagoo hin taane hubatamee, Oromoon bakka jiru maraa kan waraana, polisa, tika, ishee keessa jiru ummata isaa waliin harka wal qabatuun, hawaasi Oromoo barataa, daldalaa, qonnaan bulaa, hojjetaa marti keessaa fi alaan hiriiree biyya isaa dhuunfachuuf gumaacha irraa eegamu gochuun socho´uuf qophii isaa xumuratuu qaba.
