Waxabajjii 17, 2006 (Toronto) - Jaarmayni Biiftuu Ganamaa ( Caayaa ABO, Torontoo) Ayyaana hoggaa Afraffaa guyyaa arraa kana bifa oowaadhaan ayyaaneeffatan
Jaarmayni Biiftuu Ganamaa, Jaarmaya Hawwan fi Dubartoota Oromoo magaalaa Torontooti Jaarmayni kun Caayaa ABO ta’ee eega ijaarame hoggaa Afuri Jaarmayni kun eega ijaarame irraa kaasee QBO kan ABOn gaggeeffamuuf tinnisa gumaachuun Jaarmayoota Oromoo biyya alaa jiran keessaa sadarkaa tokkoffaatti ilaalama. Jaarmayni Biiftuu Ganamaa guyyaa itti bu’ureeffame bara baraan kan ayyaaneeffatu waan ta’eef guyyaa arraa kana Ayyaana hoggaa afraffaa bifa gaariin ayyaaneeffatee olee
Ayyaana kana irrattiis miseensoonni jaarmaya kanaatii fi miseensoonni fi deeggartooni ABO magaalaa Torontoo heedduun irratti argamanii jiru.Ayyaanni kun Daa’imman uffta Adaa uffataniin, Faaruu Alaabaatiin baname. Baniinsa ayyaana kana irrattiis D/Teessoon Jaarmaya kanaa haasawa bal’aa godhanii jiru akkasumaas manguddoonni hedduun walduraa duubaan haasawa gorsaa fi miseensa isaanii jajjabeesu eega dabarfatan booda D/T konyaa Mul’is Abbaa Gadaa torontoo fi D/T Kutaa Kaanaadaa bakka dhaabaa bu’uun haala QBO kan yeroo kanaa ilaalchisee ummataaf ibsa gabaabaa godhanii jiru.
Sirna baninsaa booda ummanni Nyaata Aadaa kan qophaawe eega nyaatan booda sirba Oromoo hedduu sirbamaa ooleen gammdaa oolan maayyii irrattiis miseensoonni jaarmaya Biiftuu Ganamaa dirqama isaanii kan fuula duraa dachaa dachaan QBOf gummachuuf wa’adaa isaanii haarayoomsuun ayyaana isaanii injifannoon xumaratan
Jaarmaya Biiftu Ganamaa Toronto
Gadaan Gadaa Bilisummaati
IUOF
17/06/2006, Toronto,Kaanaadaa
|
