(haala waliti bu'iinsa booranaa fi gujii ilaalchisee)
Akuma beekamu yeroo ammaa kana uumatni Oromoo bahaa hanga dhihaati kaabaa
hanga kibbaatti waliif dirmatee wanjoo gabrummaa isa irra jiru of irraa
fonqolchuuf sagalee isaa tokkuummaan dhageesisaa jiraa. Haatau malee diini
kana hubatee waan rifateef uumata yeroo dheeraaf nagaan wal duuka jiraataa
ture gosa Oromoo gujii fi booranaa waliti naquu dhaan qabeenyaa fi lubbuu
namaarrati midhaadhaan hagana hin jedhamnee qaqabsiisee jiraa kanaaf nuti
barattootni Oromoo kanneen yuniversiitii kibbaa keessati argamnu waaee wal
dhabinsa kanaa ilalchisee guyyaa gaafa 12/6/2006ti wal gaii gosa lammeen
kan hammate godhameen gadda guddaa nuti dhagaaame ibsaa, ibsa ejjennoo
armaan gadii baafannee jiraa.
1. Osoo mootummaan jiruu wal dhabbii torbaan lamaa oliif tae tureen
qabeenyaa fi lubbuun ilmaan Oromoo hedduun badee jira, akkasumas qabeenyis
saamamee jira. Haa tau malee gama mootummaatiin furmaati haga haraati
fudhatame tokkollee hin jiru; kun tauu isaati ammo hedduu nu gadisiisee
jira.
2. Mootummaan Wayyaanee umrii aangoo isaa dheereffachuuf jecha, yaada lafee
lafeen cabsuutiin uummaata abbaa tokko kan yeroo dheeraaf nagaan waliin
jiraachaa ture walitti buusee jira. Kanaaf jecha uummatni gama lameenuu
rakkina kana akka aadaa isaaniitti karaa nagaan furmaata itti falachuudhaan;
nagaan waliin jiraachuu akka itti fufan yaamicha keenya dabarsina.
3. Humnootni motummaa gochaa araaraa fakkeessanii badii fi dararaa uummata
irratti fudhachaa jiran irraa akka of qusatan cimsinee akeekkachiisan.
4. Uummatni gama lachuu (Booranaa fi Gujii) uummata sirna GADAAtiin bulu
waan taeef, fala wal dhabbii kanaa uummatichi aadaa fi sirna GADAA isaatiin
akka falatu itti dhaammanna.
5. Dhuma irrattis qaamni dhimmi kun ilaalu hundi kan biyya keessaas tae kan
biyya alaa dhimma kana furuuf atattamaan akka hojjetan waamicha lammummaa
dabarsina.
Injifannoo Ummata Oromoof!!
Gadaan Gadaa Bilisummaa ti!!
|
