1. kaayyoo dhiigni gootota keenyaa itti dhangala’e hanga galmaan geenyutti marti keenya reebicha, hidhaa fi ajjeechaa sodaannee qabsoo uummaanni keenya gaggeessaa jiru irraa yoomiyyuu duubbatti hin deebinu, kaayyoo isaan kufaniifis galmaan geenya, alaabaa bilisummaa isaan kufaniifis ni dhaabanna.
2. Mootummaan wayyaanee har’as akkuma mootummoota nafxanyaa darbanii Ilmaan Oromoo heddu ajjeesaa fi ajjeesisaa akkasumas biyya abbaa isaanii irra akka hin jiraanne biyya ambaatti akka dararaman, garii immoo irbaata bineensaa akka ta’an gochaa jirti. Kanaaafuu nus taanee uummanni Oromoo marti mootummaa nafxanyaa kana waliin warra gumaa waan taneef bakka jirru hundatti irratti ni qabsoofina, yoomiyyuu garaa keenyaa jennee mootummaa faashishitii kanaaf hin jilbeefannu, gonkumaa ergamtuu ishees akka hin taane ni beeksifina.
3. yeroo ammaa kana godinaalee Oromiyaa mara keessatti seerri baruu fi barsiisuu dhaabachuun isaa ni beekama. kanaaf ammoo sababa kan taate OPDOn garaa isheef malee mirga uummataa kan gonkumaa hin yaadne ergituu ishee mootummaa wayaanee waliin ta’uun gaafii mirgaa barattoota Oromoo karaa nagaa deebisuu irra barnoota dhaabuu fi barattoota reebuu, hidhuu fi ajjeesuu filatanii jiru. Duula mootummaan wayyaanee fi jaleen ishee OPDOn gaggessan kana ni balaaleffanna, hanga gaafiin barattootaa deebi’ee barnoonni jalqabutti nutis isaan cinaa ta’uun ni qabsoofna, itti gafatamummaan gochaa seeraan alaa kunis kan OPDO ta’uu isaa ni beeksifina.
4. Mootummaan wayyaanee waggoota darbaniif hooggantootaa fi miseensota waldaa Maccaa fi Tuulamaa mana hidhaatti reebaa fi dararaa turteetti. Yeroo ammaa immoo hidhaa fi dararuun ni xiqqaate jechuun ajjeesaa jirti, kuni immoo tuffii mootummaan wayyaanee uummata Oromoof qabdu mul’isa. Kanaaf gocha suukanneessaa mootummaan kun jaalleewwan keenya irratti fudhatte kana ni balaaleffanna, tuffii mootummaan kun ilmaan Oromoo irraa qabdu kanas lammii Oromoo waliin tokkkummaan hiriirree ofi irraa ni dhabamsiifna, jaalleewwan mana hidhaas akka yeroo gabaabduu keessatti nuuf gadhiifaman irra beebnee ni akeekkachiifna!
5. Ergamtuun wayyaanee OPDOn garaa ishee guuttachuuf qofa uummata Oromoo dararuu, gidirsuu fi ajjeesuu irraa deebitee akka bilisummaa uummata Oromoof uummata waliin hiriirtu waamicha goonaf, yoo gocha ishee kana irraa hin deebine garuu uummanni Oromoo marti bakka jirutti maxantuu gufuu bilisummaa uummaata Oromoo taate, OPDO, dhabamsiisuu dhaan kaayyoo isaa akka galmaan gahatu, bilisummaa isaa goonfatu ykn argatu jenna, Nutis yaada kanatti amanuun dhabamsiisuu maxantootaa irratti akka bobbaanu ni beeksifna.
Gadaan Gadaa Bilisummaa ti!!!
Injifannoon Uummata Oromoof!!!
