Ebla 18, 2006 (Oromiya) - Mandheen kun ibsa ejjennoo ishii kana kan baafatee guyyaa gootota Oromoo wareegamanii ebila 15/4/2006 ilaalchiseeti. Mandheen kun ibsa ejjennoo ishii akka armaan gadiitti tarreesiti:
1. Akkuma gootota Oromoo darbaan kanaa nutis miseensonni urjii barii hamma bilisummaatti wareegama feesisu ni baasna jennee murannoon kaanee mootummaa Wayyaanee isa dhiiga ilmaan Oromoo lolaasa jiru kana dura ni dhaabbanna.
2. Bilisummaan tokkummaa malee hin argamu waan ta’ee Barataa, Barsiisaa, Qonnaan bulaa ilmaan Oromoo biyyaa isaanii keessatti akka lammii lammatatti illee hin ilaalamnee kana bilisummaa gonfachiisuuf nu faana akka dhaabbattan waamicha keenyaa ni dabarfanna.
3. Warreen garaan keessan isin gurguree halagaa duukaa fiigdani lammii keessan dabarsitaanii klennitanii fi dhiiga uummata ttin guddachuu barbaaddan bor seenaan kan isin gaafatu waan ta’eef gocha keessan kanarra hatatamaan akka deebitan akeekkachiisna.
4. Boolla namaa hin qotin yoo qotte gad-hin fageessin kan keessatti kufu hin beektu jedhanii Oromoon akka mammaaku, lukkee taatanii hardah Oromoo hiraarsaa jirtan, itti roorrisaa jirtan, humna halagaa tortoraa ta`e kanaaf oduu kan kennitan, waliin dhaabbattan walii gala lukkeen halagaa waliin fiigdan halagaan ykn wayyaannen fi ergaamoon ishii galuun ishii hin hafu kanaafoo? Isiniin boolla maltu isiin nyaata ?
5. Akkuma mukti qottoodhaan ati maal nu goote jallaa muka keenyatu nu fixee malee jedhee. Isinis ergamtooti Wayyaanne OPDOn Oromoof dhaabbanne jettaani dhiigaa saba Oromoon kan dhiiqataani bilisummaa booda waa’een keessan maal ta’a laataa? Mee isunumti deebisa. Yoo ammumaan ummata keessan dhiifama gaafattanii isaaf qabsaahuun seenaa hojjettan isinii hin wayyu?
6. Walumaa galati barri kun bara Oromoon bilisummaa gonfatu gumaan oromoo deebi`u nuuf haata`u jennee murannoon kaanerra.
GADAAN GADAA BILISUMMAATTI
INJIFANNOO UUMMAATA OROMOOf
|
