Nuti miseensi maadhee Bakkalcha Barii ( B. B. ) jedhamnu Adda Bilisummaa Oromoo ( A B O ) jalatti ijaaramnee jirru waa’ee haala yaroo biyya keenyaarratti erga ballinaan maryyanneen booda ibsa ejjennoo qabxii 12 qabu armaan gaditti baafannee jirra.
1. Qabeenyaa qabnu, dadeettii keenyaa fi hanga lubbuu keenyaa haarsaa goonee A B O cinaa dhaabbannee mirga saba oromoo ni kabachiifna.
2. Minasee Walde goorgis bakka bu’aa maxxannee opdo fi ilman Tigiree malee bakka bu’aa ilman oromoo akka hintaane beeksifna.
3. Opdon dhaaba oromoof dhaabbate otoo hintaane Goobanaa 2ffaa ta’uu ishee ni ibsina.
4. Kallachi qabsoo bakka bu’aa oromoo A B O waanta’eef akka oromoota bulchuuf ni gaafanna.
5. Sabni oromoo martii fedhii dhuunfaan otuu hin gowwoofamin martuu harka walqabannee sirna bittaa wayyaanee of irraa akka qolannu dhaamsa sabummaa ni dabarfanna.
6. Gaaffiin barattoota oromoo fi ummata oromoo hunduu akka deebii argatuuf qabsoo barbaachisu ni goona.
7. Barattoota, barsiisota, Daldaltoota, fi qonnaan bultoota mirga isaanii gaafachuun qofa kan hidhaman akka hiikaman ni hubachiisna.
8. Maqaa miseensa A B O jedhu qofaan balaaleffatamanii hojii isaanii irraa aryatamanii fi barattoonni hidhamanii dararfamaa jiran akka gara hojii jaraatti deebifaman ni akeekkachiisna.
9. Kittillayyoonni wayyaanee ummata dararaa jiran gochaa isaanii fokkisaa kanarraa akka of qusatanu cimsinee akeekkachiifna.
10. Wayyaaneen walgayii nuwaamtus, meeshaan nudoorsioftus, nuhiitus, nu ajjeeftus qabsoo keenya irraa kan duuba hindeebine ta’uu keenya cimsinee isheehu bachiifna.
11. Olola sobaa wayyaaneen labsitu akka bakka hingeenye ummata keenya waliin taanee ni fashalsina.
12. Amma kaayyoo goototaa bakkaan geenyutti, A B O biyya keenya bulchuu fi hiree murteeffannaan saba oromoo murtaahutti qabsoo keenya karaa adda addaan kan itti fufnu ta’uu keenya dalagaan ni mirkaneessina.
Qabsaa’aan ni kufa; qaboon itti fufa !!
Injifannoon Ummata Oromoof !!
Bitootessa 10 2006
