Bitotessa 25, 2005 (Oslo) - Fincila diddaa gabrummaa gootota ilmaan Oromootiin biyya keessatti gaggeeffamaa jiruuf deegarsa agarsiisuu fi hammenya wayyaaneen ummata Oromoo irratti raawwataa jirtu hawaasa addunyaatti beeksisuuf Hiriirri oowwan guyyaa 25.03.2006 biyya Norway, magaalaa Oslootti gaggeeffamee jiru. Hiriira kana irratti kan argaman hedduun isaanii naannoo addaa adaa Norway fi Denmark yommuu tahu, sa,aa sadiif dhaadannoo garaa garaa dhageessisuun iyyanna qophaawee Ministera Dantaa Alaa fi Parlamaa Norway, koree dhimma Hajaa alatti kennachuu dhaan xumuramee jira.
Kana malees gargalchi xalayaa iyyannoo kun Muummicha Ministera biyyatti kan ergame yommuu tahu, torbaan itti aanu keessa gochaa shororkeessaa humni Wayyaanee ummata keenya irratti raawwachaa jiru, kallattii dhaan Paarlamaa Norway koree dantaa alaatti dhiheessuuf qoophii irra jirama.
| |
|
|
| |
 |
|
Xumara hiriiraa irratti Hawaasni Oromoo naannoo Scandinavia jiraatu, fincilli diddaaa
gabrummaa akka dagaagu fi sochii ummata keenyaa kun akka mararfannoo addunyaa argatu, akkasuma gochaan fashistummaa wayyaaneen ummata keenya irratti raawwatu akka dhaabbatu, gara hawaasa addunyaatiin dhiibbaan akka godhamu gahee dirqama seenaa Oromummaa bahuuf waadaa seenanii jiru.
Hiriira kana kan qopheessan koree ABO koonyaa Oslo fi Ijaarsa Hawaasa Oromoo magaalaa Osloo yommuu tahu, hanga gaaffiin saba keenyaa deebii qajeelaa argatutti sochii ummata keenya bira waan barbaachise hundaan bira dhaabbachuu fi hammenyi diinni ummata keenya irratti baasu saxiluuf sochii addaan hin cinne akka godhamu waadaa galan.
Injifannoo Ummata Oromoof!
Gadaan gadaa Bilisumaati!
|
