Hagayya 9, 2006 (ABO) - Humni waraana sirna Wayyaanee lakkoofsaan guddaa
ta’e Generaal Kamaal Galchuun durfamu ABO tti makamuu ABOn beeksiise
Waraana qubattuu murna bicuu Wayyaanee keessaa humni wayyaan daangaa cabsuun
Eritrea keessaan dhaaba ABO tti makamuu isaanii WHD-ABO beeksiisee jira.
Ibsi odeeffaannoo WHD –ABO irraa hagayya 8-2006 bahe akka addeessetti humni
waranaa mootummaa Itoophiyaa General Kamaal Galchuun durfamu fi Koloneel
Abbabaan keessatti argamu qabeeenyaa lolaa gaafatamummaa isaanii jala ture
guutuu waliin QBO ttii dabalamani jiru.
Brig. General Kamaal Galchu
Yeroo ammaa sochiin fakkaataan sirna qubattuu Wayyaanee hudhee jiraatuu kan
ibse WHD-ABO odeessa bal’aa fi dabalataa dhihootti kan kennu ta’uu
mirkaneesse jira. Ilmaan Oromoo waraana sirna Wayyaanee keessa jiranii fi
dhalattooti saboota cunqurfamoo, hoomaa waraana Itoophiyaa keessaatti
argaman hundi fakkii yeroon gaafattu kana hordofuun gara QBO fi
ummatootaatti akka makaman ABOn waamicha isaa ammas haaromseera.
Gama biraan sirna Wayyaanee mormii murna waraanaa irraa isa mudataa jiruun
rifatee, tarkaanfii hammeenyaa adda addaa ilmaan sabaa fi sab-lammootaa
garaa garaa irratti fudhataa akka jiruu fi yeroo gabaabaa keessattiis akkuma
amala isaa humna waraanaa kana, keessattuu miseensoota saba Oromoo fi
cunqurfamoo biroo “gimgamaa” jedhee kan rakkisuuf jiraatu tahuu oduun
naannoo waranaa irraa argame irraa mirkaneeffame jirra.
Injifannoo Ummatao Oromoof!
Gadaan gadaa bilisummaa ti!!
|
