Hagayya 8, 2006 (Oromiyaa) - Wal’gahiin Barattoota yuneversitii wayaaneen godhamaa jirtu irratti barattoonni gaaffii gurguddoodhaan dura dhaabbachaa jiraachuun baramee jira.
Walgahiin kun kan gaggeeffamaa jiru A fi B jedhanii bakka lamatti qoodaniiti.
Qubee A Jalatti
Barattoota yuneversitii Haramaayaa
Brattoota yuneversitii Maqalee
Barattoota yuneversitii Arbaamincii
Barattoota yuneversitii Awaasaa yoo ta’an
Qubee B jallatti immoo
Barattoota yuneversitii Adaamaa
Barattoota yuneversitii Bahardaar
Barattoota yunevesirtii Goondar
Akkaataan deemsa wal’gahichaa sa’aa 2:30 hanga sa’aa 6 tti leenjii OPDOtiin kennamuudha . sa’aa booda marii barattootaati. Wal’gahicharrattis gaaffiii gurguddoon ka’aniiru
1/ Abbaan Duulaa Oromoos ta’ee ta’uus baate erga ummanni hin filannee akka moottummaatti bulchuu hin danda’u .
2/oromiyaan moottummaa mataa ishee qabdi jettu yoo akkas ta’ee maaliif waraanni feediraalaa keessa galee hidha? Ajjeesa ? saama? Darara?
3/ miseensa OPDO ta’aa jettu, miseensummaa dura oromummaan hin dursuu?
4/ isin erga ummata oromoof dhaabbatan maaf waldaan maccaaf tuulamaa cufsiiftan?
Sababa kanaaniis hooggantoota isaa maaf hiitan? yoo kana hojjettan isin Oromoo balleessaa moo ijaaraa jirtu ?
5/ karoorri fii kaayyoon OPDOn barreeffamee jiru hojiirra hin oolle kana jijjiiruu dandeessuu?
6/ gaaffiin saba oromoo jalqabaa hanga dhumaatti gaaffii bu'uraa kan ta’e mirga hiree ofii ofiin murteeffachuuti, gaaffii bara dheeraaf gaafatamaa tureedha, isa kana deebisuu dandeessuu?
6/ seeraa fii heera barreeffame irratti Aadaafii Seenaan saba kamiyyuu kabajamaadha jedha, garuu kun osoo jiruu warri baahiruu zawudee tigirichi getaachoo jedhaman kitaaba aadaa fii seenaa saba tokkoo xureessu barreessanii jiru, egaa oromoof yoo dhaabbattan ta’e kanarratti maal jettan?
7/ mirgi dimokiraasii mirga dhala namaaf dhaabbate jettu kun immoo waraqaarratti barreeffamuun ala hojiitti hin jijjiirramnne ykn hojiirra hin oolle ooleera yoo jettan hidhamtoonni kumaan lakkaawwaman gaaffii tokko malee mana hidhaatti dararamaa jiru? osoo seera jala jiranii rasaasaan maaf reebamanii du’an fii kkf gaafachuun wal gahii isaanii qaneessaa jiran..
Injifannoo ummata oromoof!
Gadaan gadaa bilisummaa ti!!
