Hagayya 20, 2006 (Oromiyaa) – Wayyaaneen yeroo ammaa humna waraanaa feediraalaa magaalaa finfinnee keessa jiran gara waraanaatti guuraa jira ilmaan Tigiraayi kan ta'an immoo humna feediraalaa keessaa baasee CPAtti jijjiraa jiraachuun beekamee jira. bakka isaanii immoo humna darbatamaa jedhamanii baatii 2/lamaaf/ kan leenji'anii biyya keessa jiran bakka buusaa jiru.
**********
Mallattoolee moohamuu fi abdii kutannaa wayyaanee.
Yeroo ammaa wayyaaneen lola keessaa fi alaan ishee mudatee jiru kana nan fashaleessa jecha wixxifannaa isa dhumaa gochaa jirti.
Rakkoo keessaan isee mudate, ummata kaleessa ajjeessaa turte gumaa na baha sodaa jedhuun sossobbaa, sodachisaa, dantaan sossobaa fi kadhataa namoota ofitti qabuuf wacabbaraa jiratuun hubatame. Haala kanaan keessaa ummata qabaneessuuf jecha namoota baroota kana dura maqaa ABO tiin torbee torbeetti hidhamaa turan muuduun fala dha jechuun gochaa akkanaa bakka bakkatti raawwatuun ishee muldhataa jirti. Abjuun wayyaaneen qabdu ummanni Oromoo gochaa isaanii namoota maqaa ABO tiin kana dura miidhaman yoo muudne ummanni gaaffii isaa dhaaba jedhu irraa akka ta´e hubatamee jira.
Waan wayyaanonni hin hubanne garuu gaaffiin ummata Oromoo jijjiirraa namootaa osoo hin taane jijjirraa sirnaa ta´uun osoo hin hubanne dha jechuun nama rakkisa. Gaaffiin ummata Oromoo ammallee gaaffii mirga hiree ofii ofiin murteeffannaa fi jijjiirraa sirnaa gaafatu malee jijjiirraa namoota muraasaan hiikamuu hin dandeenye ta´uu Ummanni Oromoo hubatee akka afaanfajjawiinsa wayyaanonni itti jiran irratti dammaquun ummanni Oromoo qabsoo itti jiru kana jabeessu sabboontonni Oromoo dhaammatu.
************
Ona buraayyuutti Maadhee Nyaatee Tufaa jalatti kan hun daa'an Maadhee Humna Galaanaafii sardaa Gaggabsaa. Gmmachuu sabboontonni Oromoo hoomaa waraanaa wayyaanee keessa turan tarkaafii isaan fudhatan kan gammachiisudha jedhanii dhaamsa gammachuu gootota oromoo warra akka Birgaader Janaraal Kamaal Galchuufii Koloneer Abbabaa Garasuu fii gartuun isaanii fudhatan kan uummata oromoo gootummaa isaa diinnatti agarsiisu ta'uu yeroo ammaa Janaraal Taaddasaa Birrufaa duubatti deebinee kan nuyaadachiisu yoota'u baga nagaan WBOtti dabalamtan jechaa kan waraana wayyaanee keessatti hafniifii biyya keessatti sadarkaa hojii adda addaan uummata oromoo miidha jiran ejjennoo isaan fuddhatan fakkeenya go'chuudhaan isaanis tarkaanfii akkasii akka fudhatan nihubachiifna jedhanii jiru.
Kanarratti hundaa'uun ibsa ejjennoo qabxii 5 ofkeessaa qabu baafatanii jiru.
1/ Gaaffiifii deebii Janaraal Kamaal Galchuufii koloneer Abbabaa Garasuu SBO oromoo waliin godhan ni dinqisiiffanna keessumaayyuu waa'ee minaasee il aalchisee.
2/ Gartuu isaaniis guddaa galatoomfanna galanni hunda isaaniif qabnus Bilisummaadha.
3/Mirgi hiree ofii ofiin murteeffachuu kabajamutti waan qabsoon nugaaffattu hundaa nibaana
4/ Hayyoonniifii darggaggoon ,manguddoon,oromoo hundi mana hidhaatti dararamaa jiran hundii hatattamaan akka gadlakkifaman ni gaafanna.
5/ Mormitoonni oromoo biyya keessatti wayyaanee waliin walii galanii jiran akka walii galtee isaanii ammaatti ragaa tokko malee hin hidhamu yoo hidhames guyyaa tokkofii lama gidduutti dhimmi isaa qulqullaa'ee gadlakkifama jedhama kanaaf mormitoonni oromoo biyya keessa jiran OBK, WFDO,ABO jedhanii osoo addaan hinqoodiin dhala oromoo hundaaf akka
dhaabbatan nihubachiifna erga dhala oromoof dhaabbanne jedhanii haqaan ala oromoo maraaf akka dhaabbatan nihubachiifna.
**********
Ibsa Ejjennoo Maadheelee Ambachaa Tuutee, Tuuta Goototaa, fi Odaa Bulluq.
Maadheeleen ABO armaan olii Ona Deedoo keessatti argaman ibsa ejjennoo baafatan akka harmaan gadii ta’a.
- Tuumsa Bilisummaa fi Dimokraasii kallacha qabsoo bilisummaa Oromoo ABOn dhaabota biraa waliin ijaarame ni deeggarra.
- Ummata keenya walbarsiisuun akka qabsoo bilisummaa Oromoo keessatti hirmaatan ciminaan ni hojjenna.
- Waadaa keenya haaromsuun waan qabsoon bilisummaa Oromoo nu gaafattu ni hojjenna.
- Olola diinni dhaaba bilisummaa saba keenyaaf falmu ABO irratti oofaa jiru fashalsuuf ciminaan ni hojjenna.
- Ummanni Oromoo Otoo amantii fi godinaan addaan walbaasiin dantaa diinni gootu ta’uu irratti dammaqee akka tokkummaa isaa cimsatu waamicha goona.
- Oromoonni faayidaaf, ykn wallaaluun mootummaa gabroofattuuf ergamaa jirtanu akka gara qabsoo bilisummaa keessantti deebiitanii qooda fudhattanu waamicha goona.
Rabbiin bara bilisummaa nuuf haa godhu.
Injifannoo Ummata Oromoof!!
Gadaan Gadaa Bilisummaa ti!!
Ona Deedoorraa
