Hagayya 15, 2006 (Oromiyaa) - Wayyaanoonni barattoota Oromoo irratti gidiraa itti guddisaa jiran Ilmaan Oromoo lama kan Idi'aadii(directarummaa mana barumsaa ta´uuf) baratan humna tika mootummaan fuudhaamanii miidhaan jabaa irra gahe. Barattoonni kun dura 'security' mootummaa uffata siivilii uffatanii ni barbaadamtu jedhanii otoo isaan deemanii gaafatamanii dirqisiisuu eegallaan ijoolleen eenyummaa keessan hin beeknu jechuun ofirraa faccisnaan battalumatti Faxinoo qophaahee eeggataa jiru itti waamuun torban darbe reebbitii akka malee irraan gahanii iji barattoota lameenii baqaa jira, qaamaanis akka malee miidhamanii jiru, mana yaalaas hordofuun akka hin yaalamne godhanii rakkisanii ijoolleen hanga ammaa iji isaanii akka malee miidhamee rakkataa akka jiran hubatameera.
*******
Ibsa Marii Maadhee Ijoollee Wancii
Tarkaanfii Gen. Kamaal Galchuu Waa´illattoon isaa waliin fudhate fakkeenya ilmaan Oromoo mooraa waraana wayyaanee keessa jiruuti. Kamaal Galchuu fi waa´illannonni isaa waamicha dhaaba isaa uummataa fi dhugaa ummataa hubachuun wayyanee waliin hin dhaabbadhu! Kana duuba dhaaba koo fi ummata koo waliin dhaabadhee hojjedha jechuun Lukkeelee fi wayyaanee kann waaroo salphina itti uffise dha. Haalli kun kufaatii wayyaanotaa fi diigama waraana wayyaanee dhiyaachuu isaa kan mirkaneesse dha. Kun ammoo bu'aa Gootowwan Oromoo dirree qabsoo, FDG irratti wareegamanii fi shororkaa wayyaaneen Tumsa Bilisummaa fi Dimokiraasii irraa qabdu irraa ta´uun hubatamee (TBD) TBD guyyaa bilisummaa akka gabaabse agarsiisa. Kanaaf uummanni marti warra afaan isaan afaanfajjessuun otoo hin moofkamiin/gowwoomiin akka dura dhaabatu waamicha dhiyeessaniiru.
Haaluma kanaan ibsa ijjannoo qabxii lama qabuu baafatni jiru.
1. Lukkeeleewwan wayyaanee TBD ILAALCHISEE olola ofaa jiran irraa of hin qusatan taanaa tarkaanfilee barbaachisaa ta'a fudhachuun nurraa eegama.
2. Ilmaan Oromoo meeshaa wayyanee baatanii jiraniif obbolaawwan isaanii dhiisanii isuma wayyaanee diina ummataa kan ta'etti akka garagalchan kana ta'uu baannan kufaatiin isaanii kufaatii diinaa ta'uu isaa akka hubatan dhaammanna.
Injifannoo Ummata Oromoof!!
Gadaan Gadaa Bilisummaa ti!!
|
