Hagayya 4, 2006 (Oromiyaa) - Wayyaaneen yeroo ammaa warra kastamaa kan duraan jiru ummata saamuu diddan jechuun warreen fedraalaa jettee kanneen tigrootaan guutaman leenjifattee hujiirra oolchuuf qindoomina xumurachaa jirti.
Warra duraan hojjachaa jiru odoo bakka biroottillee jijjiiruuf sagantaa hin qabne guutumatti arihuuf akka wayyaaneen qophaawaa jirtu barame. haalli kuni namoota kumootamaan lakkaawamu carraan isaanii kan hujii biyyatti akka laaqamuuf deemu keessa beetoonni dubbachaa jiran. sababa kanarraa kan ka'e warreen amma hujii irraa arihuun deeman kuniis waan isaanii dandahame hundaan mootummaa tana dura dhaabbatan akka marihachaa jiraniis barameera. wanni jechaa jiran beelaan dhumuurra waan dandeenyu goonee yoo duune gaariidha jechuun akka dhaadachaa jiran odeessi gama hojjattoota kastamootaa kanrraa dabru ni mirkaneessa.
*********
Shira wayyaanee fi Diddaa barattoota Oromoo. Mootummaan wayyaanee barattoota gargar qoodee harkatti galfachuu yoo yaade iyyuu akka inni yaadetti hin milkoofneef.
Jalqabaaf barattoota sad.2ffaa addaan baasee warra kaan dhorkee warra kaan immoo walgayiin sossbee miseensa godhachuuf yaalii godheeti ture garuu isa kana irratti dammaquun barattoonni gaafii sammuu isaaniti ol ta’u gaafachuun waan qabataniifi waan dhiisan wallaalanii jiru. Kanuma irraa ka’uun warri walgayicha geggeessan harra’a gaafii kanatti hin qophoofne yeroo biraan deebisa jechuun yeroon itti walgayii dhiisanii bahantu jira. Kuni otoo kanaan jiruu barattoota yuunbersiitiif koolleejjii barattoota gargar foo’ee kaan maqaa isaanii baasee maxxansuun kaan immoo biraa hambisee jira.
Warri afan deemanii nuti kobaatti ijaa maal ta’eef hafnee jedhanii yoo gaafata waraqaa miseensummaa fidaa warrii maqaan isaani bahe miseensa ta’aniitu jechuudhaan wal amantaan akka barattoota jidduudhaa dhabamu taasisaa jira kun otoo kanaan jiruu barattoota walgayiif gara adaamaa erge achiin gaheen booda warri misseensa hin ta’iin miseensummaan galmaa’aati waraqaa miseensummaa erga fudhataniin booda asitti taa’uu dandeessuu jedheen kanaan booda barattoonni nuti otoodhuma lubbuun nu dabartee miseensa keessan hin taanu jennaan isin warri diddan koottaa jedhanii gara allaageetti geessan kanaan booda qarshii nyaataf illee gahaa hin taane qar 19 qofaan taa’aa jedhaman.
Kanuma irraa ka’uun barattoonni hin teenyu jedhanii jeeqnaan human polisii federaalaafi loltuu ittii bobbaasuun akka isaan mooraa keessaa gadi hin bane godhee humnaaan teechisuuf yaalii gochaa jira. Kun immoo bu’aa akka hin qabne beekanii nuti otoo lubbuun jirruu miseensa wayyaanee taanee lammii keenya hin gannu kanaafuu uummaanni Oromoo fi barattoonni wayyaaneen tooftaan akka waan nuti miseensa taanee jirruu fakkeessee addaan nu baasuuf yaalaa jiru dammaqxanii qabsoo keessan ciminaan akka itti fuftan isin beeksifna.
*********
Maandheewwan Maandhee Leenca Gannaalee Jalatti Gurmaayan Walgayii yeroo Lammaffaaf godhataniin Haala Qabsoo bilisummaa Oromoo irrattii bal’inaan erga Mari’atanii Booda Ibsa ijjannoo Qabxii Shanii ufkeessaa qabu baafatanii jiru.
1 Qabsoo Bilisummaa Oromoo Yeroo ammaa Sadarkaa Murteessaa irra gaye kana Jabeessuudhaan Guyyaa Mootummaan Wayyaanee itti kufu as dhiyeessuudhaaf Murannee Kaanee jirra.
2 Diinota Qabsoo keenya irratti Olola Ofanii fi Qabsoo keenya afoo Dhaabbatuu barbaadan hunda Dhaaba keenya bira Dhaabatuun Hiddaan buqqifnee Dhabamsiisuuf Nihojjanna.
3 TBD Dhaabni keenya ABO Dhaabota Mormitoota Wayyaanee waliin godhate Nideeggarra.
4 TBD ijaarame gufuuwwan QBO afoo jiran Hiddaan buqqisee waan jalaa kaasuuf Ijaaramuun TBD Fiixa bahiinsa Bilisummaa keenyaaf Shoora Guddaa waan taphatuuf Diinota TBD ijaarame kuni akka malee isaan naasisee Olola irratti Oofan afoo dhaabbatuuf Qophii dha.
5 Dhumarrattis TBD ijaarame kana Fiixa bahiinsa isaatiif Hojjataa Gumaacha Qabsoo Bilisummaa Oromootiif godhamu jabeessinee itti fufna jedhanii jiru.
Injifannoon Ummata Oromoof !!
Gadaan Gadaa Bilisummaa ti!!
******
Ibsa ejjennoo maadhee Ona Limmuu Kosaa Magaalaa Ambuyyeerraa
Ibsi Ejjennoo Maadhee “Tarkaanfataa Dhugaa”, “Ijoo Bilisummaa” fi “Abdii Boruu” Ona limmuu Kossaa magaalaa Ambuyyeerraa baafatan akka kanaa gadiitti ibsataniiru.
1. Tuumsa Bilisummaa fi Dimokraasii A B On durfamuun bu’uureffametti guddoo gammanneerra. Akkasumas TBD kana galmaan gahuuf qabeenyaa, giidoo fi dandeetti
qabnu otuu hin qusatin A B O bira dhaabbannee galmaan gahuuf kan yaroo kamii caalaatti hidhannee kaaneerra.
2. Jabina A B O qabuu fi qabsoo bilisummaa Oromoo adda durummaan tarkaanfachiisee sadarkaa kanaan gahe guddoo dinqisiifataa galata guddaa qabnu A B O tii galchina.
3. Dhaabotiin Oromoof qabsoofna ofiin jedhan A B Otti Inaafuu dhiisanii akka A B O jalatti hiriiranii qabsoo Saba Kanaa galmaan gahan waamicha Lammummaa dhiyeessina. Tarkaanfii kana hin fudhattan yoo taatan ammoo gaafatama qabsoo fi Seenaa jalaa akka hin baane
hubadhaa.
4. Sab-boontonni Oromoo Ona Limmuu Kossaa fi Limmuu Saqqaa ( Atinaagoo ) fi naannoo isaatti argamtan ykn keessa jirtan walqindeessuun akka maadhelee kana keessatti hirmaachuun dirqama qabsoo fi Lammummaa fudhattanu waamicha isinii goona.
5. Ona Limmuu Kossaa ganda Dhuujumaa fi Yaatuu Tirgii keessatti wayyaneen dhimma mataa isii baafachuuf walitti isin buusaa jirtu kana hubattanii gandoonni kun lachan akka Aadaa Oromootti walitti dhuftanii rakkoo jiru fixattanu nuti maadheleen kun waamicha
isinii gooneerra.
6. Jiraattonni magaalaa Ambuyyee keessa jirattan Walloo Oromoo jechuun maqaa adda addaa waliibaaftanii imaammata wayyaanee tarkaanfachiisuu dhiiftanii akka umurii wayyaanee gabaabsuurratti walii galtanu waamicha isinii goona. Walloo jechuunis Oromoodhuma;
kanaafuu, Shira OPDOn xaxaa jirtu irratti dammaqaa jenna.
Gadaan Gadaa Bilisummaa ti!!
Injifannoo Ummata Oromoof!!
Hagayya 30,2006
Ona Limmuu Kossaa magaalaa Ambuyyeerraa.
