Adoolessa 4, 2006 (Oromiyaa) - Sabboontotni fi goototni barattoota Oromoo Yuniversiitii Hawaasaa Adoolessa 02 bara 2006 (Dilbata darbe) eebba bara 2006 akkasumas dhuma bara barnoota kan 2005/2006 sababa godhachuudhaan magaala Hawaasa keessatti gootota Baandii Gadaa waliin ta’uu dhaan qophii addaa qopheeffataniiru. Qophii kana kan qopheessan Koree Eebbifamtoota Oromoo 2006 fi Waldaa Tokkummaa Bararttoota Oromoo Yuuniversiitii Hawaasaa yoo ta’u, Baandiin Gadaa kan kanaan dura magaal FINFINNEE qofa keessatti uummata Oromoo bashannansiisaa ture immoo guyyaa sana FINFINNEE irraa ka’ee magaala Hawaasaatti argamuu dhaan sagantaan kun caalaatti akka miidhagu taasisuudhaan dirqama lammummaa isaa ba’ateera.
Sagantaan kun kan eegale akkuma aadaa Oromootti eebbaan yoo ta’u; maanguddoonni Oromoo magaala Hawaasaa keessa jiraatan affeeramanii dhufuudhaan sagantaa kana eebbaan bananiiru. Itti aansuudhaanis daqiiqaa muraasaaf gootota Oromoo akkuma keenya utuu bashannanuu fedhanii kanneen yeroo adda addaa fi bakka adda addaatti bilisummaa Oromoof jecha wareegamniif yaadannoon godhameera.
Sagantaa kana irratti barreefamootni fi taphootni adda addaa kan qabsoof nama kakaasan barattootaan kan dhihaatan yoo ta’u, Baandiin Gadaas gama isaatiin sirboota Qabsoo fi kan Aadaatiin barattoota Oromoo bashannansiisaa ooleera. Barattotni Oromoo Meeyin Kampaasii, Kollejjii Qonnaa, Kollejjii Fayyaa fi Kollejjii Wandoo Gannat irraa walitti dhufuu dhaan ALAABAA ADDA BILISUMMAA OROMOO olkaasanii Dhaabbachuu dhaan Baandii Gadaa waliin sirboota qabsoodhaan dhiichisaa oolaniiru.
Baandiin Gadaas baasii mataa isaatiin Finfinnee irraa dhufee sagantaa kana irratti argamuudhaan tumsa waan godheef maqaa uummata Oromoodhaan kan galateeffatan yoo ta’u, gumaatni isaaniis BILISUMMAA haa ta’u jechuu dhaan barattootni fi beektotni Oromoo akkasumas Oromootni magaala hawaasaa saganticha irratti argaman dhaammataniiru.
********
Godina Arsii Ona Qoree keessatti Walgayiin Lukkeewwan diinaa OPDOn Qopheessite harkaa Fashalaaye. Walgayii guyyaa 10 niif OPDOn qopheessite kana irratti Durgoo guyyaan qarshii 35.00 isinii kanfalla jedhanii barattoota kutaa 12 fi 10 waaamicha godhaniifis barattoonni Ona Qoree walii galuudhaan Walgayii isaanii didanii jiru.
Waamichi isin nuuf gootan kan bu'aa Oromoof fidu osoo hin taane kan Oromoo Miidhu jedhuu dhaan Didanii jiru. Lukkeewwan Diinaa OPDOn Waamicha baratytoonni Oromoo Ona Qoree Didan kanatti akka malee Aaran Waan isin jettan hundaa ammaan booda nisirreessina Koottaa Leenjii kana fudhadhaa jedhanis barattoonni walii galanii balaleffatanii jiru.
Dabalataanis barattoonni kuni Nuti isin waliin walgayii kan teennu yoo Keessummaa Isin bulchaa jiru ufirraa galchitan qofa jechuudhaan Deebisanii jiru. Tarkaanfii barattoota kanatti kan Aare Mootummaa Wayyaanee Barattoota Garaa isaaniitiif bulan Walityti qabuudhaan Barattoota keessa facaasuus Osoo hin milkaayin hafee jira. namoonni yeroo ammaa Ona Qoree keessa deemaa Ummataa fii barattoota Maallaqa isionii kenniinaa nu waliin hojjadhaa jedhaa ummata Dhamaasuu barbaadan Ergamtoota OPDO kan ta'an Abbittii Tibbeessoo Gammachuu Ibraahim Itti Gaafatamaa Damee Milishaa Xeeshoo Kadiir Jedhamu Ummaanni Ona Qoree fii barattoonni Ona Qoree Hanga Qabsoon bilisummaa Oromoo Fiixaan baatutti Nuti hardhas borus Kan Hordofnu ABO malee isinii miti isinis hardha kan akkana isin godhu TBD yeroo ammaa ABO Qaamota Mormitootaa biroo waliin ijaaratee dha jechuudhaan itti deebisanii jiru. kanaaf namoonni Dantaa garaa isaaniitiif jedhanii ummata Afanfajjessaa jiran Hatantamaan Gochaa Farruummaa kana irraa deebi'anii akka ummata isaanii waliin Qabsoo isaanii finiinsan gaafatanii jiru.
Gadaan Gadaa Bilisummaa ti!!
Injifannoo Ummata Oromoof!!
|
