Bitotessa 29, 2006 (Oromiyaa) - Reenfa Barataa Gaaddisaa Hirphasaa Gara maatii isaatti Gaggeessuf warri deeman karaatti akka reebaman oduun nugeesse jira. Finfinee keessaa ba`anii yoo Magaalaa Giincii ga`an uummanni simachuuf yaalii taasisu lee Waraanan waan marfameef hin milkoofne. Waraanni kunis akkuma marsetti Magaala Amboo ga`e achittis Baratoonni Kolleejii Amboo akka hin baane dhoowwani jiru.
Kana malees magaalaa Gudariifii Amboo jidduutti konkolaataa dhaabanii namoota keessaa buusuun waraanni kun kan reebe yoo ta`u konkolaachiftoota namoota Fe`anii deeman kana irraa fii Baratoota unvarsiitii reenfa waliin deeman irraa Waraqaan eenyummaa akka fudhatamees oduun achii nugeesse ibsite.
Barataa Gaaddisaa Hirphasaa Sirni Awwaalcha isaa Jimaata dhuf akka raawwatamu beekkamee jira sirna awwaalcha isaarrattis uummanni kumaatamatti lakkwwamu akka argamu eeggama.
|
