Sadaasa 19, 2006 (Oromiyaa) - Artistiin Oromoo beekkamaan Artist Usmaayyoo Muussaa guyyaa kaleessaa
Magaalaa Ciroo baha Oromiyati du’aan addunyaa irraa godaane. Artist
Usmaayyon nama gameeysa, hayyuu fii qabsaawaa ture. Artist Usmaayyon nama
sabboonaa jireenya isaa dura rakkoo saba isaatif uf kennee haala hedduu
hamaa tahe keeysati qooda ciccimoo kafalaa hamma guyyaa du’a isaati
qabsaawaa ture.
Artist Usmaayyon rakkoo saba isaatif osoo qabsaawaa jiruu mootummaan tigree
qabddee waggaalee hedduuf mana hidhaa keeysati rakkoo akkana hin je’amne
irraan geessee turte. Mana hidhaa keeysati goddaatii tumamiinsa irraa isarra gaheen
yeroo dheeraadhaf dhukkubsataa akka ture oromooni isa beekan ni himan.
Tumamiinsa fii rakkoolee yeroo dheeraadhaf irra turerraa kan ka'e osoo hin
fayyin du’aan addunyaa irra gale.
Awwaalcha Usmaayyoo kan kaleeysa sirna cimaadhan geggeeffamerrati
Sabboonttonni Oromoo awaalcha kanarrati argaman Qabsaawan Kufus qabsoon itti
fufti dhaaddannoo jettu akka dhiheeysaa turan oduun achirraa dhufte ibsiti. Waaqni
firoota isaatifii sabboontota Oromoo haa jajjabeeysu jenna.
Seenaa gabaabaa usmaayyoo yeroo nu dhaqqabe isiniif dhiheeysina.
GGB
